"போதல்"

அந்தக் கம்பார்ட்மென்டில்,
அழைப்பவர்கள் பலர் இருந்தாலும்
என்னிடம் தான் தாவி வந்தது
அந்த கொழுக் மொழுக் குழந்தை.
வந்த இரண்டாவது நிமிடத்தில்
ஆய் போய் விட்டது என் மேல்.
ஓடும் ரயிலின் கழிப்பறைக்குச்
சென்றிருந்த அந்தக் குழந்தையின் அப்பா
வந்தவுடன்,
சரியாக இடம் மாறிப்
"போனாளா" என் மகள் என்று கேட்டவரிடம்,
அதன் அம்மா,
மகள் சரியாகத்தான் "போகிறாள்".
இப்போது "போய்" வந்தது போல்,
போன வாரம் நீங்கள்
இடம் மாறிப் "போகாததால்தான்",
உங்கள் மூத்திரப் படுக்கையை நான்
துவைக்க வேண்டியதாப் போச்சு,
என்று என் முன்னாலேயே
சொல்லியிருக்க வேண்டாம்தான்.