என் கவிதைகள் கையாலாகாதவை

என் கவிதைகள் கையாலாகாதவை.
முனையில் துருவேறிய குண்டூசிகள் போன்றவை.
சக்திவிரயம் என்று சொன்னாலும்
சுயமைதுனத்திலும் சுகமிருக்கும்.
என் கவிதைளால்
கண்ட சுகம் ஈதென்று எதுவுமில்லை.
எழுதி என்னத்தைக் கிழித்தேன் என்று
கவிதைக்கு வார்த்தை தேடிய வழிகளிலெல்லாம்
தேடிப்பார்த்தும் விளங்கவில்லை.
மிதித்த மலம் மட்டுமே மிச்சமாகிறது.
நேசித்த மரத்தோழிகள் கற்பழிகையில்,
உட்கார்ந்து கவிதையெழுதும் நானொரு நாயேன்.
மற்றும் என் கவிதைகள் கையாலாகாதவை.
தோழிக்குப் பருத்த இரு முலைகளில்லைதான்.
இருந்த ஒற்றை உயிரும்
இருந்தவாறே எரியிலேற,
மரத்த நேயம் தலைக்குள் திரண்டு பாரம் மிக,
ஒன்றுக்கும் ஆகாத இந்தக் கவிதையால்
ஆகப் போவது ஒன்றுமில்லை.
ஆம். என் கவிதைகள் கையாலாகாதவை.

பெங்களூர் Outer Ring Road மற்றும் பல பகுதிகளிலும் சாலை விரிவாக்கத்தின் பொருட்டு இருபுறமும், உயிரோடு எரிக்கப்படும் சில நூறு மரங்களுக்காக.